ALGOZIRIUS

ALGOZIRIUS

Hispanis vulgo Algozyr, in Curia General. Catalauniae Gervariae celebrata, sub Petro III. Aragon. Rege A. C. 1359. idem qui Alguazilus vel Alguazirus, quô nomine Iustitiarii dignitas, apud Arabes, designatur. Rodericus Toletanus, in Histor. Arab. c. 39. Tunc Rex Issem misit Zabor Iustitiarium, qui apud eos dicitur Alguazilus: Vocem retinent etiamnum Hispani, apud quos Alguazil est Officialis Praefecti vel illius iudiciorum exsecutor, de cuius functione multa habent LL. Alfonsinae seu Partidae part. 2. tit. 9. l. 20. Vide quoque Repertorium Michaelis del Molino in hac voce, laudatos Car. du Fresne Glossar.